नावाजद्दीन सिद्दीकीको फिल्मबाट बाहिरिन् मोनी
एजेन्सी– बलिउड नायिका मोनी राय ‘बोले चुडिया’ फिल्मबाट बाहिरिएकी छिन् । यो फिल्ममा उनी नावाजद्दीन सिद्दीकीसँग देखिदै थिइन् ।
भारतिय मिडिया अनुसार, मोनी र फिल्मका निर्माता बीच मनमुटाब भएको छ । फिल्मका निर्माता राजेश भाटियाले भने, ‘हो, अब हाम्रो फिल्ममा मोनी हुन्न । फिल्मको लागि नयाँ नायिका खोजिरहेका छौं । मोनी स्क्रिप्टमा हस्तक्षेप गर्दै थिइन् । साथै उनी अनप्रोफेशनल व्यवहार गर्दै थिइन । मोनी निकै मुश्किलले वर्कशपमा सामेल भएकी थिइन् । त्यसैले हामीसँग नायिका बदल्नु बाहेक अरु विकल्प थिएन ।’
यसको जबाफ मोनीको स्पोकपर्सनले दिएका छन् । स्पोकपर्सनले भने, ‘मोनी अब फिल्ममा छैनन् । उनले पहिला पनि फिल्म खेलिसकेकी छिन् । उनको करियर निकै सफल रहेको छ । सबै मान्छेहरु उनको प्रोफेशनलिज्मको प्रशंसा गर्छन् । मोनीले यो फिल्म उचित सम्झौता नहुदाँ छाडेकी हुन् ।’
नागिन टिभि शोबाट चर्चामा आएकी मोनीले अक्षय कुमारसँग ‘गोल्ड’ फिल्मबाट डेब्यु गरेकी हुन् । यो फिल्म पछि उनलाई फिल्मको धेरै फिल्मको अफर आइरहेको छ । तर विभिन्न कारणले गर्दा फिल्म फ्लोरमा जान सकेको छैन ।
