सलमानले खुलाए ‘भारत’को लुक्स कोसँग मेल खान्छ ?
एजेन्सी– बलिउड सुपरस्टार सलमान खानको ‘भारत’ फिल्म यहि साताबाट प्रर्दशन हुँदैछ । यो फिल्ममा सलमान ५ भिन्न भिन्न लुक्समा देखिदैछन् । उनी १७ वर्ष देखि ८० वर्ष सम्मको भुमिकामा देखिदैछन् ।
सलमानले भारत फिल्म आफ्नो करियरकै मुश्किल रहेको बताए । उनले भने, ‘मलाई हरेक फिल्ममा धेरै मिहेन्त गरेको जस्तो लाग्छ । कुनै पनि फिल्म सहजै गरे भन्ने लाग्न हुँदैन । मिहेनत देखिनुपर्छ, आफुले कति काम गरेको छु भनेर फिल्ममा देखिनुपर्छ । यो फिल्ममा कति पटक तौल घटाउन पर्याे, कति पटक तौल बढाउन पर्याे । यो फिल्मको हरेक लुक्सको लागि निकै मिहेन्त गरेको छु ।’
उनी फिल्ममा ८० वर्षको वृद्धको लुक्समा पनि देखिएका छन् । सलमानले वृद्धको लुक्स कसरी लिए भनेर खुलाउँदै भने, ‘मेरो सबै दाजुभाई यस्तै लुक्समा देखिन्छन् । इन्दौरमा भएका दाईको लुक्सबाट बढि प्रेरित भएको छु । मेरो बुबा ८४ वर्षको हुनुभयो । मैले आफ्नो भुमिका पुरै बढो हुन दिइन् । किनकी मेरो बुबा अझै २० सिढी आरामसँग चड्नु सक्नु हुन्छ । उहाँको कपाल पनि त्यति फुलेको छैन, त्यसैले मैले सबै कपाल फुलेकोे बनाएको छैन ।’
