‘सुपर ३०’मा शिक्षक बने ऋतिक रोशन (ट्रेलर)
बलिउडका सुपरहिरो ऋतिक रोशनको फिल्म ‘सुपर ३०’ को ट्रेलर सार्वजनिक भएको छ । ऋतिकले ‘काबिल’ फिल्म रिलिज भएको दुई वर्षपछि ‘सुपर ३०’ मार्फत पर्दामा देखिदैछन् । ट्रेलर हेर्नुस् :
यो फिल्म गणितिज्ञ आनन्द कुमारको जीवनमा आधारित रहेको छ । गरिबी, संघर्ष र कडा मिहेन्तबाट कठिन परिस्थितिमा पनि सफल भएको कथा देखाइएको छ । ऋतिकले आनन्दको भूमिकालाई न्याय गरेको सामाजिक सञ्जालमा प्रतिक्रिया आइरहेको छ । यो फिल्ममा उनले शानदार अभिनय गरेका छन् ।
विकास बहलले निर्देशन गरेको फिल्ममा ऋतिकसँगै मृणाल ठाकुर, अमित साध र नन्दिशा सन्धुको पनि अभिनय छ । यो फिल्म १२ जुलाईमा रिलिज हुँदैछ ।
