‘बागी ३’मा टाइगरको दाई बन्दै रितेश
एजेन्सी– बलिउड नायक टाइगर श्राफ स्टारर फिल्म ‘बागी ३’को प्री प्रोडक्शनको काम भइरहेको छ । २०१६ सालमा रिलिज भएको फिल्म ‘बागी’मा श्रद्धा कपूर देखिएकी थिइन् । दोस्रो पार्टमा दिशा पाटनी देखिएकी थिइन् । भने तेस्रो पार्टमा श्रद्धा देखिने चर्चा चलेको छ ।
यो फिल्ममा श्रद्धाको साथै रितेश देशमुख जोडिने खबर बाहिरिएको छ । फिल्ममा रितेश टाइगरको दाईको रुपमा प्रस्तुत हुनेछन् । फिल्मका निर्माता साजिद नाडियाडवालाले रितेश फिल्ममा जोडियोको कुरा खुलाए पनि श्रद्धाको बारेमा केहि खुलाएका छैनन् । उनले भने, ‘रितेशले मेरो हाउसफुलको फ्रेन्जाइजमा शुरु देखि सहभागि भएका छन् । बागीमा पनि जोडिदैछन् । हाम्रो राम्रो सम्बन्ध छ । हे बेबी र हाउसफुलपछि मेरो र रितेशको बागी छैटौं फिल्म हो ।’ यो फिल्मलाई अहमद खानले निर्देशन गर्नेछन् ।
श्रद्धा र रितेशले एक्सन थ्रिलर फिल्म ‘एक भिलेन’मा एक साथ काम गरेको थिए । उनीहरु बागी ३ दोस्रो पटक स्क्रिन सेयर गर्दैछन् । यो फिल्मको छायांकन अगस्टबाट सुरु हुँदैछ ।
