शाहिद कपुरको ‘कबिर सिंह’ के होला ?
एजेन्सी– बलिउड अभिनेता शाहिद कपूरले डेढ दशक भन्दा बढि बलिउडमा बिताएका छन् । तर उनको स्टारडम त्यति बलियो देखिदैन । उनको केहि फिल्म हिट भएपनि त्यसको के्रडिट लिन पाएका छैनन् ।
शाहिदको फिल्म ‘कबिर सिंह’ जुन २१ अर्थात असार ६ गते रिलिज हुँदैछ । यो फिल्ममा शाहिद सोलो नायक हुन् । फिल्मको ट्रेलर र गीतले धेरै दर्शकको ध्यान खिचेको छ । बक्स अफिसमा कतिको सफल हुन्छ हेर्न बाँकी छ । शाहिदको करियरको सबैभन्दा हिट फिल्म ‘पद्मावत’ हो । यो फिल्ममा रणवीर सिंहको अभियन दमदार हुँदा शाहिद ओझेलमा परेका थिए ।
शाहिदले आफ्नो फिल्म करियरलाई निरन्तरता दिएका छैनन् । उनको फिल्म करियरमा निकै उताब चढाब आएको छ । उनको फिल्म ‘हैदर’,’ कमीने, ‘उड्ता पञ्जाब’ले बढाएको हाइप ‘शानदार’, ‘किस्मत कनेक्शन’, ‘वाह लाइफ हो तो ऐसी’, ‘दिल बोले हडिप्पा’ जस्ता फिल्मले घट्यो । कबिर सिंहबाट शाहिद मात्र होइन उनका फ्यानहरु पनि आशावादी रहेका छन् । उनले यो फिल्मको लागि निकै मिहेनत पनि गरेको छन् । उनको फिल्ममा जडिया डाक्टरको भुमिका रहेको छ ।
कबिर सिंह मार्फत शाहिद आफ्नो आलोचकलाई जवाफ दिन सक्छ त्यो बक्स अफिसले सावित गर्नेछ । उनको हालसम्म सोलो नायकको रुपमा १०० करोड कमाउने कुनै पनि फिल्मको छैन ।
