‘मलाई आइटमको ट्याग मन पर्दैन’: कृति सेनन
एजेन्सी– बलिउड अभिनेत्री कृति सेननले करण जोहरको फिल्म ‘कलंक’को ‘ऐरा गैरा’ गीतमा डान्स गरेकी छिन् । उनले निकै फिल्मको विशेष गीतमा डान्स गरिसकेकी छिन् । कृतिलाई आइटम नम्बरको ट्यागले हैरान बनाएको बताइन् ।
उनले भनिन्, ‘ऐरा गैरा जस्ता गीतलाई मान्छेहरु किन आइटम नम्बर भन्छन । यो डान्स नम्बरको मात्र हो । यसले फिल्मको मनोरञ्जन पक्षलाई बलियो बनाएको हुन्छ । यस्तो गीतलाई दर्शकले मन पराउछन् । यस्ता गीतहरुलाई हेर्ने नजर अल्ली फराकिलो बनाउन जरुरी छ । यस्तो गीतलाई पनि सकारात्मक रुपमा हेर्नु पर्छ ।’
उनले थप्दै भनिन्, ‘आमिर सर, शाहरुख सर र सलमान सरले फिल्मको विशेष गीतमा डान्स गर्दा त्यसलाई आइटम नम्बर भनिदैनन् । तर महिलाको मामलामा मात्रै किन आइटम नम्बर भनिन्छ ? यस्तो विचारलाई परिवर्तन गर्न आवश्यक रहेको छ । मलाई डान्स गर्न मन पर्छ । चाहे त्यो डान्स नम्बर होस् या अरु, सबै मेरो दिलको करिब छ । तर मलाई आइटम गीतको ट्याग मन पर्दैन । म भविष्यमा एक डान्स फिल्ममा काम गर्न चाहन्छु ।’
