‘गुलाबो सिताबो’ का घरबेटी अमिताभको यस्तो लुक्स
एजेन्सी– बलिउड अभिनेता अभिताभ बच्चन अहिले ब्याक टु ब्याक फिल्मको सुटिङमा व्यस्त छन् । उनले ‘ब्रह्मास्त्र’को छायांकन सकिए लगत्तै आगामी फिल्म ‘गुलाबो सिताबो’को छायांकनमा सुरु गरेका छन् । यो फिल्मको सेटबाट बच्चनको नयाँ लुक्स सार्वजनिक गरिएको छ ।
फिल्मको पहिलो लुक्समा बच्चन एक बुडो मुसलमानको रुपमा प्रस्तुत भएका छन् । उनको आखाँमा ठूलो गोलो चश्मा छ, नाक पनि लामो देखाइएको छ । लामो र सेतो दाह्रीका साथै उनले गलबन्दी ओडेका छन् । यस तस्बिरमा उनी खडूस स्वभावको देखिएका छन् ।
यो फिल्मको छायांकन लखनऊमा भैरहेको छ । सुजित सरकारले निर्देशन गरिरहेको फिल्ममा अमिताभ बच्चनसँगै आयुष्मान खुरानाको मुख्य भुमिका रहेको छ । फिल्ममा अमिताभ आयुष्मानको घरबेटी भुमिका निभाउदै छन् ।
