शाहिद कपुर ‘कबिर सिहं’को बम्पर ओपनिङ्ग
एजेन्सी– बलिउड अभिनेता शाहिद कपूरको फिल्म ‘कबिर सिंहले बक्स अफिसमा कुनै सार्वजनिक विदा नपर्दा पनि बम्परको ओपनिङ्ग गरेको छ । यो फिल्मले पहिलो दिनमा भारु.२० करोड २१ लाख ग्रस कलेक्सन गरेको छ ।
पहिलो दिनमा २० करोड २१ लाख कलेक्सन गरेको फिल्मले दोस्रो २२ करोड ७१ लाख कलेक्सन गरेको छ । यो फिल्मलाई दर्शकले रुचाइरहेका छन् । यो फिल्ममा शाहिदको अभिनयको निकै तारिफ भइरहेको छ भने अभिनेत्री कियारा अडवानीले पनि उल्लेखनिय काम गरेकी छिन् । यो फिल्म तेलगु फिल्म अर्जुन रेड्डीको रिमेक हो । यो फिल्मलाई सन्दिप रेड्डीले निर्देशन गरेका हुन् ।
कबिर सिंह शाहिदको करियरकै सर्बाधिक ओपनिंग कलेक्सन गर्ने फिल्म बनेको छ । यो भन्दा पहिला उनको फिल्म ‘पद्मावत’ले भारु. १९ करोडको ओपनिङ्ग गरेको थियो । यो फिल्म २०१९ मा सर्बाधिक कलेक्सन गर्ने फिल्म मध्ये चौथो नम्बरमा परेको छ ।
सलमान खानको भारतले ४२ करोड ३० लाखको कलेक्सन गरेर पहिलो नम्बरमा रहेको छ भने दोस्रो नम्बरमा कलंक (२१ करोड ६० लाख), तेस्रोमा केसरी (२१ करोड ६ लाख) र पाँचौमा गली व्वाई (१९ करोड ४० लाख) रहेको छ ।
