सय करोड क्लबमा ‘कबिर सिंह’, शाहिदको सोलो सुपरहिट
एजेन्सी– बलिउड अभिनेता शाहिद कपूरको फिल्म कबिर सिंह बक्स अफिसमा सय करोड क्लबमा समावेश भएको छ । यो फिल्मको विकेडमा पनि हाउसफुल भइरहेको छ । यो फिल्मले ५ औं दिनमा सय करोड पार गरेको छ ।
यो फिल्मले पाँचौ दिन मंगलबार १६.५३ करोडको कमाई गर्दै सय करोड पार गरेको हो । फिल्मले शुक्रबार भारु २०.२१ करोड, शनिबार २२.७१ करोड, आइतबार २७.९१ करोड, सोमबार १७.५४ करोड व्यापार गरेको फिल्मले मंगलबार १६.५३ करोडको कमाई गरेको छ । यो फिल्मले पाँच दिनमा १०४.९० करोड कमाई गरेको छ ।
यो फिल्म शाहिदको सोलो रुपमा सय करोड कमाउने पहिलो फिल्म हो । तरण आदर्शले यो फिल्मलाई ब्लकबस्टर घोषित गरेका छन् । यो फिल्म ३१२३ स्क्रिनमा रिलिज भएको छ । यो फिल्मले ठूलो फिल्मको तुलनामा कम शो पाएको थियो । कम शो पाउँदा पनि हाउसफुल भएको हुँदा ५ औं दिनमै सय करोड क्लबमा पुग्न सफल भएको छ ।
यो फिल्म सफल हुनुको साथै विवादमा पनि परेको छ । यो फिल्मलाई महिला विरोधी फिल्म भनिएको छ । कबिर सिंहको पागनपन र खडुस स्वभाव प्रति आपत्ति जनाएका छन् । त्यसैगरी यो फिल्मले मेडिकल प्रोफेशनको गलत तरिकाले प्रस्तुत गरेको आरोप लगाएका छन् ।
