करण जोहरको ‘दोस्ताना २’मा कार्तिक र जाह्नवी जोडी
एजेन्सी– निर्माता करण जोहरले ‘दोस्ताना २’ बनाउने औपचारिक घोषणा गरेका छन् । दोस्तानामा प्रियंका चोपडा, जोन अब्राहम र अभिषेक बच्चनको अभिनय रहेको थियो । यो फिल्मलाई दर्शकले निकै रुचाएका थिए । तर, दोस्तानाको सिक्वेलमा कलाकार फेरबदल गरिएको छ ।
यो फिल्मका लागि जाह्नवी कपूर र कार्तिक आर्यन फाइनल भएका छन् । करण जोहरले सामाजिक सञ्जालमा एक भिडियो सेयर गर्दै तेस्रो कलाकार नायक रहने खुलाएका छन् । तर, उनले तेस्रो कलाकार को रहने बारे खुलाएका छैनन् । यो भिडियो हेर्दा करण जोहर नयाँ स्टारकास्ट गर्ने योजनामा रहेको पक्का गर्न सकिन्छ । जाह्नवी र कार्तिक पहिलो पटक स्क्रिन सेयर गर्दैछन् ।
‘धडक’बाट डेब्यु गरेकी जाह्नवी अहिले गञ्जन सक्सेनाको बायोपिक फिल्ममा व्यस्त छिन् । त्यस्तै, कार्तिक पनि ‘लव आजकल २’को छायांकनमा व्यस्त छन् । दोस्ताना २ यहि वर्षको अन्तिम देखि छायांकन सुरु गरिने छ भने २०२० मा रिलिज गरिने छ ।
