जायराले धर्मको लागि फिल्म छाडिन्
एजेन्सी– ‘दंगल’ र ‘सिक्रेट सुपरस्टार’ फेमकी जायरा वसीमले बलिउड छाड्ने निर्णय गरेकी छिन् । उनले फिल्म छाड्नुको कारण धर्म रहेको बताएकी छिन् । उनले इन्स्टाग्राममा एक इमोशनल नोट सेयर गरेकी छिन् ।
उनले लेखेकी छिन्, ‘पाँच वर्ष पहिला मैले जुन निर्णय लिएको थिए । त्यस निर्णयले मेरो जिन्दगी बदलिदियो । म बलिउडमा आएपछि आफैसँग लड्दै आएको छु । छोटो जिन्दगीमा यति लामो लडाई लड्न सक्दिन । यो फिल्डबाट आफ्नो सम्बन्ध तोडदैछु । मैले धेरै सोचेर यो निर्णय लिएको हो ।’
उनले आफु धर्म विपरित गएको बताउदै लेखेकी छिन्, ‘यो क्षेत्रलाई म पनि माया, समर्थन गर्छु । यो क्षेत्र मेरो जीवनको साहरा बनेको छ तर यसले मलाई अज्ञानको बाटो तिर मोडेको छ । किनकी म चुपचाप थाहै नपाई आफ्नो धर्मबाट बाहिर आउन थालेको छु । मलै यस्तो वातावरणमा काम गरेको छु । जसले मेरो ईमानलाई हस्तक्षेप गर्छ । मेरो धर्मको लागि निकै खत्तरा बढेको छ ।’
जायराले फिल्म छोड्ने निणर्य लिएपछि सामाजिक सञ्जालमा बहस सुरु भएका छ । उनको यो पोस्टले सामाजिक सञ्जालमा एक खाल्को तरङ्ग ल्याएको छ । कतिपयले धर्मकै लागि फिल्म छोड्न नहुने तर्क रहेका छन् । भने कतिले चर्चामा आउनको लागि धर्मको लागि फिल्म छोडेका बताएका छन् ।
