करीना पहिलो पटक पुलिसको भुमिकामा
एजेन्सी– बलिउड अभिनेत्री करीना कपूर खान फिल्म ‘अंग्रेजी मिडियम’मा पुलिस अफिसरको भुमिका निभाउदैछिन् । फिल्म सेटबाट उनको फस्ट लुक्स सार्वजनिक भएको छ । तर, आधिकारिक रुपमा भने सार्वजनिक गरिएको होइन । यो तस्बिर करीनाको फ्यान पेजमा सेयर भएको छ ।
इरफान खानको फिल्म हिन्दी मिडियमको सिक्वेलमा करीना पहिलो पटक पुलिसको भुमिकामा देखिदैछिन् । हिन्दी मिडियम २०१६ मा रिलिज भएको थियो । शिक्षाको कथा साभार गरिएको फिल्मलाई दर्शकले निकै रुचाएका थिए । हिन्दी मिडियममा इरफान खानको मुख्य भुमिका रहेको थियो । यो फिल्ममा पनि इरफानको मुख्य भुमिका रहेको छ ।
इरफान लामो समय देखि गम्भिर बिमारीसँग लड्दै आएका थिए । ट्युमरको सफल उपचारपछि उनी भारतमा आएर फिल्मको छायांकन गरिरहेका छन । यो फिल्ममा इरफानसँग राधिका मदानको पनि मुख्य भुमिका रहेको छ । करीनाको यो फिल्ममा छोटो भुमिका रहेको छ ।
