शाहिद कपुरको पारिश्रमिक दोब्बरले बढ्यो
एजेन्सी– बलिउड अभिनेता शाहिद कपूरको फिल्म ‘कबिर सिंह’ले बक्स अफिसमा धमाका मच्चाई रहेको छ । दोस्रो हप्तामा पनि फिल्मको व्यापारमा गिरावट आएको छैन । शाहिदको फिल्मले यति धेरै सफलता पाउनु अविश्वसनिय हो ।
उनको यो करोड क्लबमा पुग्ने पहिलो सोलो फिल्म हो । कबिर सिंह सुपरहिट भएपछि शाहिदको पारिश्रमिक दोब्बर भएको छ । भारतिय मिडिया अनुसार शाहिद पहिला एक फिल्मको १० देखि १२ करोड लिन्थे । अब, उनी एउटा फिल्मको लागि २१ करोड रुपैयाँ लिनेछन् । शाहिदले कबिर सिंहको प्रमोशनको क्रममा आफुसँग कुनै फिल्म नभएको बताएका थिए ।
कबिर सिंहको सफलतासँगै शाहिदको माग बढेको छ । उनलाई ठूला फिल्मको अफर आउन थालेको छ । २१ जुन देखि प्रर्दशन भएको फिल्मले १८० करोड भन्दा बढि कलेक्सन गरिसकेको छ । फिल्ममा शाहिदसँगै कियारा आडवाणीको मुख्य भुमिका रहेको छ ।
