‘धाकड’ मा कंगनाको एक्सन अवतार, यस्तो बन्यो पोस्टर
एजेन्सी– बलिउड अभिनेत्री कंगना रनावतको एक्शन एन्टरटेनर फिल्म ‘धाकड’को पोस्टर सार्वजनिक भएको छ । यो फिल्मको छायांकन अर्काे वर्ष देखि सुरु गरिने छ ।
कंगनालाई फरक फरक जनराको फिल्म गर्ने अभिनेत्रीको रुपमा लिइन्छ । फिल्मको एक्सन पोस्टर सार्वजनिक भएसँगै कंगनाले जिम्मदारी बढेको बताइन् । उनले भनिन्, ‘धाकड फिल्म मेरो करियरको लागि निकै महत्वपूर्ण छ । यो फिल्म भारतिय फिल्मको लागि पनि महत्वपुर्ण छ । यो फिल्मलाई एक महिलाले लिड गर्छिन । यो फिल्म अर्का वर्ष दिवालीमा रिलिज हुनेछ र बक्स अफिसमा सफल हुन्छ भन्ने आशा छ ।’
यो फिल्मको एक्सन सिन हलिउडको एक्सन निर्देशकले निर्देशन गर्नेछन् । यो फिल्मलाई रजनीश ‘राजी’ घईले निर्देशन गर्नेछन् । यो फिल्म २०२० को दिवालीमा रिलिज हुनेछ । कंगना अभिनित जज मेन्टल हे क्या फिल्म यही जुलाई २६ तारिखमा रिलिज हुँदैछ ।
