कंगनाको प्रेसमिटमै सञ्चारकर्मीसँग भनाभन

एजेन्सी– बलिउड अभिनेत्री कंगना रनावट विवादमा फसिरहन्छिन् । उनी आफ्नो बयान र आरोपले हरेक व्यक्तिलाई निशाना बनाउँछिन् । अहिले उनी आगामी फिल्म ‘जजमेन्टल हे क्या’को प्रचार प्रसारमा व्यस्त छिन् । यो फिल्मको गीत रिलिज कार्यक्रममा कंगनाले पत्रकारलाई निशाना बनाउदै ‘मर्णिकर्णिका’को नकारात्मक समिक्षा गरेको आरोप लगाइन् ।

उक्त कार्यक्रममा विवादमय वातावरण सिर्जना भएको थियो । कंगनाले नकारात्मक समिक्षा गरेको भन्दै मेरो विरोध गरेको भनिन् । पत्रकारले मैंले गलत लेखेको होइन, सहि कुरा लेख्नु कसैको विपरित जानु होइन भनि चिच्याएका थिए । कंगनाले पत्रकारले बारम्बार म्यासेज गरेको बताइन् । पत्रकारले मैंले कुनै म्यासेज गरेको छैन भन्दै म्यासेज गरेको भए स्क्रिन सर्ट गरेर देखाउन आग्रह गरे । कंगनाले पछि देखाउँछु भनिन् ।

चर्किदै गएको विवादलाई फिल्मको निर्माता एकता कपूर र नायक राजकुमार रावले शान्त बनाउने कोसिस गरेका थिए । तर पनि उनीहरुको विवाद झन चर्किदै गएको थियो । केही समय पश्चात माहोल साम्य भएपछि उनीहरुले ‘जजमेन्टल हे क्या’ को बारेमा अन्र्तक्रिया गरेका थिए । माहोप्रकाश कोभेलामुडीले निर्देशन गरेको फिल्म २६ जुलाई देखि रिलिज हुँदैछ ।