चर्चित र्यापर हनी सिंह विरुद्ध मुद्धा
भारतिय चर्चित र्यापर हनी सिंहको विरुद्ध विभिन्न धारामा एफआइआर दर्ता भएको छ । हनीको नयाँ गीत ‘मखना’मा महिलालाई लिएर आपक्तिजनक र अश्लिल शब्द प्रयोग गरेको आरोप लागेको छ ।
केहि दिन अगाडी राज्य महिला आयोगले पञ्जाब पुलिस चोकीमा मुद्धा दर्ता गरेका हुन् । उनीहरुको मुद्धा अनुसार हनी सिंह र भुषण कुमारको विरुद्ध २९४ (गीतको माध्यमबाट अश्लिलता फैनाउनु) र ५०६ (धम्काउनु) सहित अन्य धाराको मुद्धा चलानी गरिएको छ । यो गीत २०१८ डिसेम्बरमा रिलिज भएको थियो । यो गीत रिलिज भएपछि राज्य महिला आयोगकी चेयरपर्सन र मनिसा गुलाटीले यस सन्दर्भलाई लिएर हनी सिंहको विरुद्ध कारबाहीको माग गरेका थिए । मनिसाले पञ्जावको गृह सचिव र डीजीपीलाई चिठ्ठी लेखेर विरोध जनाएका थिए ।
मनिसाले भारतिय मिडियासँग कुराकानी गर्दै भनिन्, ‘यो गीतमा महिलाको लागि अश्लिल शब्द प्रयोग गरिएको छ । यो शब्द हाम्रो समाजलाई पाच्य छैन । यस्तो गीतहरु पञ्जाबमा ब्याण्ड गर्नुपर्छ ।’ हनी सिंहको विवादमा फस्ने यो पहिलो गीत भने होइन । उनको ‘मै हुँ बलात्कारी’ बोलको गीत पनि विवादमा फसेको थियो ।
