‘मादल बज्दा’ ‘डान्स ग्रुप द नेक्सट’ को यस्तो नृत्य
केही समय अगाडी ‘दुनियाँ बेग्लै छ’ बोलको गीतले नेपाली बजार र नेपाली बस्ने विदेशी बजारमा निकै राम्रो चर्चा पाएको थियो । त्यसपछि देउडा गीत ‘चट्ट सलाम छ’ मन–मनमा बस्न सफल भयो । अघिल्ला गीतको चर्चा सेलाउन नपाउँदै अष्ट्रेलियामा बसोबास गर्दै आएका गायक समीर आचार्यले फेरि अर्को गीत ‘घिन घिन बज्यो मादल’ सार्वजनीक गरेका छन् । यो गीतको भिडियोमा अष्ट्रेलियामा रहेर पनि विश्वमाझ रहेका नेपालीहरुको मनमा बस्न सफल ‘डान्स ग्रुप द नेक्सट’ ले नृत्य गरेका छन् । भिडियो हेर्नुस् :
आफ्नो बुवाको एल्बममा रहेको पुरानो टप्पा गीतलाई नयाँ फ्लेवरका साथ समिरले यो गीत बजारमा ल्याएका हुन् । यसका शब्द तथा संकलक चिन्तामणी शर्मा हुन् । प्रदिप लामाको कोरियोग्राफी रहेको यो गीतमा अभियान थापाको छायांकन तथा सम्पादन छ । यो गीतको भिडियोमा प्रदिप लामा, अमित बज्रचार्य, सुरक्षा थापा, प्रभा दवाडी, साजिया मिया लगायतले नृत्य गरेका छन् ।
