कंगना यसरी गर्दैछिन् ‘जजमेन्टल हे क्या’ को प्रचार
कंगना रनावत र राजकुमार राव आगामी फिल्म ‘जजमेन्टल हे क्या’ प्रचारमा क्रममा छन् । केहि समय अगाडी कंगना रनावतको सञ्चारकर्मीसँग चर्का चर्की परेपछि फिल्मको प्रचारमा रोकावट आएको छ । सञ्चारकर्मीहरुले फिल्मलाई कभरेज नदिने भनेपछि फिल्मको प्रचार गर्ने फरक तरिका अपनाइएको छ ।
निर्माण टिमले फिल्मको क्यारेक्टर झल्काउने खाल्को भिडियो सार्वजनिक गरेको छ । उक्त भिडियोमा कंगना रनावतको भुमिकालाई प्रस्तत गरिएको छ । फिल्ममा कंगनाको नाम बोबी ग्रेवाल रहेको छ । यो भिडियोमा बोबीको परिचय राजकुमार रावले गराएका छन् । उनले फिल्ममा कंगनाको कति सम्म पागलपन रहेको छ भनेर जानकारी दिएका छन् ।
प्रकाश कोभेलामुडीले निर्देशन गरेको फिल्ममा शोभा कपूर, एकता कपूर र शैलेष आर सिंहको लगानी रहेको छ । यो फिल्म २६ जुलाई देखि रिलिज हुँदैछ ।
