अक्षय र जोनसँग नभिड्ने भयो प्रभासको ‘साहो’
एजेन्सी– भारतिय स्वतन्त्र दिवसको अवसर पारेर अगस्त १५ मा तीन ठूलो फिल्म बक्स अफिसमा भिड्ने पक्का भएको थियो । अक्षय कुमारको ‘मिशन मंगल’ र जोन अब्राहमको ‘बाटला हाउस’ र प्रभासको फिल्म ‘साहो’ रिलिज हुँदै थियो । तर, अब साहोको टीमले रिलिज डेट पछि सारेको छ ।
यो फिल्म अब ३० अगस्तमा रिलिज हुने भएको छ । फिल्म साहोको टीमले एक विज्ञप्ती जारी गर्दै रिलिज डेट पछाडी सारेको हो । विज्ञप्तीमा अनुसार, ‘दर्शकलाई प्रभासको फिल्म ‘बाहुबली’ पछि ‘साहो’को पर्खाइ छ । दर्शकलाई राम्रो अनुभव दिनको लागि फिल्मको रिलिज डेट अगाडी सारिएको छ । अब यो फिल्म अगस्त ३० मा रिलिज हुँदैछ ।’
साहोलाई १५ अगस्तमा दुई हिन्दी फिल्मसँगै दुई साउथ फिल्मसँग भिड्नु पथ्र्यो । त्यसैले पनि यो फिल्मको रिलिज डेट पछाडी सारिएको हो । यो फिल्म हिन्दी, तमिल र तेलुगु भाषामा रिलिज हुँदैछ । एक्सन थ्रिलर फिल्ममा श्रद्धा कपूर, नील नितिन मुकेश, ज्याकी श्राफ, मन्दिरा बेदी, चंकी पाण्डे लगायत कलाकारको अभिनय रहेको छ ।
