अनुष्का शर्मा वेव सीरिजतिर
एजेन्सी– बलिउड अभिनेत्री अनुष्का शर्माको पछिल्लो समय ‘जिरो’ फिल्म प्रर्दशन भएको थियो । उनले यो फिल्म पछि कुनै फिल्म साइन गरेकी छैनन् । फुर्सदमा रहेकी अनुष्का आफ्नो पति विराट कोइलीसँग समय बिताइरहेकी छिन् । अब, अनुष्का वेव सीरीजमा काम गर्ने तयारीमा रहेकी छिन् ।
अनुष्का आफ्नै प्रोडक्शन हाउस क्लीन स्लेट फिल्मस् ब्यानरबाट ‘माई’ नामको वेव सीरीज लिएर आउदैछिन् । यस सीरीजको कथा अतुल मोङ्गिया, तमाल सेन र अमित ब्यासले तयार पारेका छन् । तर यो सीरीजमा अनुष्काको अभिनय रहने छैन ।
यो सीरीज एक साधारण महिलाको जीवनमा आधारित रहने छ । जसले अन्जानमै कुख्यात माफिया लिडरलाई मारेकी हुन्छिन् । त्यसपछि उनी अन्डरवल्र्डको आपराधिक र राजनीतिक दुनियाँमा फस्छिन् । अनुष्काको यो सीरीजमा अभिनय नरहेपनि सीरीज निर्माण कार्यमा सहभागिता रहने छ ।
