‘जजमेन्टल हे क्या’को व्यापार दोस्रो दिन सुध्रियो
एजेन्सी– बलिउड अभिनेत्री कंगना रनावत र राजकुमार राव स्टारर फिल्म ‘जजमेन्टल हे क्या’ले ५ करोड ४० लाखमा ओपनिङ्ग गरेको छ । फिल्मको पहिलो दिनको बक्स अफिस कलेक्सन एकदमै निराशाजन रहेको थियो । तर, दोस्रो दिनमा फिल्मको व्यापारमा सुधार आएको छ ।
यो फिल्मले दोस्रो दिनमा ८ करोड २ लाख कलेक्सन गरेको छ । फिल्मले दुई दिनमा १३ करोड ४२ लाख जम्मा गरेको छ । बक्स अफिसमा राम्रो कलेक्सन गर्न नसकेपनि फिल्मले दर्शकको मन जित्न सफल भएको छ । आइतबार सार्वजनिक विदाको दिनमा फिल्मले राम्रो कलेक्सन गर्ने अनुमान रहेको छ । दर्शकले कंगना र राजकुमार रावको अभिनयको खुलेरै तारिफ गरिरहेका छन् ।
यो फिल्म भारतको २००० स्क्रिन्समा प्रर्दशन गरिएको छ । प्रकाश कोभेलामुडीले निर्देशन गरेको फिल्मलाई एकता कपूर, शोभा कपूर र शैलेश आर सिंहले निर्माण गरेका हुन् ।
