‘जिरो’ निर्देशकको फिल्ममा धनुष, ऋतिक र सारा
एजेन्सी– साउथ फिल्मका अभिनेता धनुषले केहि हप्ता अगाडी बलिउड फिल्ममा काम गर्ने खुलासा गरेका थिए । उनले आनन्द एल रायको निर्देशनमा काम गर्ने पक्का भएको छ ।
यो फिल्ममा धनुषसँगै ऋतिक रोशन र सारा अली खानको पनि अभिनय रहने छ । यो फिल्मको लागि मुख्य कलाकारको खोजी पुरा भइसकेको छ । भारतिय मिडियामा केहि दिनपछि फिल्मको औपचारिक कार्यक्रम गरेर फिल्मको कलाकार सार्वजनिक गर्ने उल्लेख गरिएको छ ।
आनन्द एल रायले पछिल्लो समय फिल्म ‘जिरो’ निर्देशन गरेका थिए । यो फिल्ममा शाहरुख खान, कैटरिना कैफ र अनुष्का शर्माको मुख्य भुमिका रहेको थियो । यो फिल्म बक्स अफिसमा सफल हुन सकेन ।
