‘मैले डेविडको १७ फिल्म खेलेको छु, तर वरुण खेल्न सक्दैन’: गोविन्दा
एजेन्सी– बलिउड अभिनेता गोविन्दा अहुजा यति बेला निर्देशक तथा निर्माता डेविड धवनको बारेमा अन्तर्वार्ता दिएर चर्चामा आएका छन् । उनले डेविडको १७ फिल्ममा काम गरेका छन् ।
गोविन्दाले ‘आपकी अदालत’ टंक शोमा आफुले डेविडसँग १७ फिल्ममा काम गरेको बताउदै डेविडको छोरा पनि डेविडसँग १७ फिल्म खेल्न नसक्ने बताए । उनले भने, ‘मैले डेविडसँग १७ फिल्ममा काम गरिसकेको छु । यति फिल्म त डेविडसँग वरुणले पनि गर्न सक्दैन । संजय दत्तले भनेर मैले डेविडसँग काम गरेको थिए । त्यति बेला म पञ्जाबी मान्छेसँग काम गरिरहेको थिए । मलाई डेविड मन पथ्र्यो । हामीले निकै हिट फिल्म दिएका छौं । मैले आफन्तलाई भन्दा पनि उनलाई बढि सम्मान दिएको थिए । यहाँ सम्मकी मेरो भाई पनि निर्देशक हो तर मैले ऊसँग पनि १७ वटा फिल्ममा काम गरेको छैन ।’
गोविन्दा र डेविडले ‘पार्टनर, कुली नम्बर १, हीरो नं १, शोला र शबनम’ जस्ता हिट फिल्ममा काम गरेका छन् । डेविड कुली नम्बर १ को रिमेक बनाउने तयारीमा छन् । तर यो फिल्ममा उनले आफ्नै छोरा वरुण धवनलाई लिएका छन् । यो फिल्ममा वरुणलाई लिएपछि गोविन्दा र डेविडको सम्बन्ध चिसिएको भारतिय मिडियामा चर्चा भइरहेको छ ।
