साराको जन्मदिनमा ‘कुली नम्बर १’को फर्स्ट लुक्स
एजेन्सी – बलिउड नायिका सारा अली खानको १२ अगस्त आज जन्मदिन हो । उनको जन्मदिनको अवसरमा आगामी फिल्म ‘कुली नम्बर १’को फर्स्ट लुक्स सार्वजनिक गरिएको छ । फस्र्ट लुक्सको रुपमा फिल्मको दुई पोस्टर सार्वजनिक गरिएको छ ।
एक पोस्टरमा सारा र वरुण धवन रहेका छन् । वरुणलाई कुलीको भेषमा प्रस्तुत गरिएको छ भने सारालाई ग्ल्यामरस अवतारमा प्रस्तुत गरिएको छ । अर्काे पोस्टरमा वरुणलाई मात्र देखाइएको छ । डेविड धवनले निर्देशन गरेको फिल्मलाई वासु बागनानी, ज्याकी बागनानी र दिपशिखा देशमुखले निर्माण गरेका हुन् ।
१९९५ सालमा आएको कुली नम्बर १ मा गोविन्दा अहुजा र करिश्मा कपूरको मुख्य भुमिका थियो । भने यसको रिमेकमा वरुण र सारा मुख्य भुमिका रहेको छ । यो फिल्म २०२० मे १ देखि प्रर्दशनमा आउँदैछ ।
