साराको जन्मदिन मनाउन बैंकक पुगे कार्तिक
एजेन्सी – बलिउड नायिका सारा अलि खानको जन्मदिन मनाउन कार्तिक आर्यन बैंकक पुगेका छन् । केहि समय देखि सारा र कार्तिक प्रेम सम्बन्धमा रहेको चर्चा चलिरहेको छ । तर उनीहरुले साथी मात्र रहेको बताउदै आएका छन् ।
सारा ‘कुली नम्बर १’को सुटिङको लागि बैंकक पुगेकी थिइन् । कार्तिक साराको जन्मदिनलाई विशेष बनाउन कै लागि बैंकक पुगेका हुन् । कार्तिकले सामाजिक सञ्जालमा प्राइभेट बर्थडे सेलिब्रेशनको तस्बिर सार्वजनिक गरेका छन् । यो तस्बिर सार्वजनिक भएपछि भाइरल भइरहेको छ । साथै कार्तिकले प्रेम सम्बन्ध अफिसियल गरेका चर्चा पनि सुरु भएको छ ।
सारा र कार्तिकले ‘लभ आजकल २’मा एकसाथ काम थिए । यो फिल्मको छायांकन देखि उनीहरु एक अर्कालाई समय दिन थालेका हुन् ।
