‘अनुष्का र म साथी मात्र हौं’ प्रभास

एजेन्सी– साउथ सुपरस्टार प्रभास आगामी बलिउड फिल्म ‘साहो’को प्रमोशनमा व्यस्त छन् । साहो रिलिज पछि प्रभासको विवाह हुने चर्चा पनि चलिरहेको छ । तर, प्रभासले विवाहको योजना नबनाएको बताएका छन् ।

केहि समय अगाडी प्रभासले अमेरिकन बिजनेश म्यानको छोरीसँग विवाह गर्न लागेको चर्चा थियो । प्रभासले यो खबर झुटो रहेको बताएका छन् । त्यसो त प्रभास र अनुष्का शेट्टी प्रेम सम्बन्धमा रहेको लामो समय देखि चर्चामा छ । हालै प्रभासले शानदार घरको खोजी गरेको सँगै अनुष्काको लागि साहोको स्पेशल स्क्रीनिंग व्यवस्था गरेको खबर बाहिरिएको छ । प्रभासले अनुष्का साथी मात्र रहेको बताउदै भने, ‘अनुष्का र म साथी मात्रै हौं । हाम्रो सम्बन्ध त्यो भन्दा माथी भएको भए पछिल्लो २ वर्षमा हामीलाई कसैले साथ देख्दैन होला ?’

केहि समय अगाडी अनुष्कालाई प्रभासको बारेमा सोध्दा बाहुबली र देवसेनाको क्यामेस्ट्री रियल लाइफमा कुनै आशा नराख्नको लागि बताएकी थिइन् ।

प्रभासको साहो यहिँ अग्रस्ट ३० अर्थात भदौ १३ गते रिलिज हुँदैछ । यो फिल्ममा प्रभाससँग श्रद्धा कपूरले स्क्रिन सेयर गरेकी छिन् ।