‘भुल भुलैया२’मा अक्षयलाई कार्तिकले रिप्लेस गरे
एजेन्सी – बलिउड अभिनेता अक्षय कुमारको हरर कमेडी फिल्म ‘भुल भुलैया’को सिक्वेलमा कार्तिक आर्यन देखिने भएका छन् । पहिला यसको सिक्वेलमा पनि अक्षय नै हुने चर्चा थियो । तर, अक्षयलाई कार्तिकले रिप्लेस गरेका छन् ।
फिल्मको अफिसयल पोस्टर सार्वजनिक गर्दै फिल्ममा कार्तिक हुने पक्का गरिएको हो । फिल्मको पोस्टरमा कार्तिक मानव कंकालमा सुतिरहेको देख्न सकिन्छ । यसको सिक्वेल १३ वर्ष पछि बन्न लागेको हो । पोस्टरमा पनि १३ वर्ष पछि लेखिएको छ । अनिस बज्मीले निर्देशन गर्न लागेको फिल्मलाई भूषण कुमार, कुराद खेतानी र कृष्ण कुमारले निर्माण गर्न लागेका हुन् ।
२००७ सालमा आएको कमेडी साइकोलोजिकल थ्रिलर फिल्ममा अक्षय कुमारले साएक्याट्रिक्स डा. आदित्य श्रीवास्तवको भुमिका निभाएका थिए ।
