बक्स अफिसमा ‘मिशन मंगल’ को रेकर्ड तोड कलेक्सन
एजेन्सी – बलिउड अभिनेता अक्षय कुमारको फिल्म ‘मिशन मंगल’ले बक्स अफिसमा राम्रो कमाइ गरिरहेको छ । यो मल्टी स्टारर फिल्म पाँचौ दिनमै करोड क्लबमा सामेल भएको हो । फिल्मले पहिलो विकेन्डमै ९६ करोड ५० लाख कमाई गरेको हो ।
फिल्म मिसन मंगलले शाहिद कपूरको ‘कबिर सिंह’को पनि रेर्कड तोडेको छ । कबिर सिंहले २० करोड २१ लाखमा ओपनिङ गरेको थियो भने मिशन मंगलले २९ करोड १६ लाखमा ओपनिङ गरेको छ । यति मात्र नभएर यो वर्षको पहिलो दिनमै सर्वाधिक कलेक्सन गर्ने हिन्दी फिल्मको रेर्कड पनि राखेको छ ।
मिशन मंगलले बिहिबार २९ करोड १६, शुक्रबार १७ करोड २८ लाख, शनिबार २३ करोड ५८ लाख, आइतबार २७ करोड ५४ लाख, सोमबार ८ करोड ९१ लाख र मंगलबार ७ करोड ९२ लाख कलेक्सन गरेको छ । यो फिल्मले भारतिय बक्स अफिसमा ११४ करोड ३९ लाख कमाएको छ । मंगल ग्रहमा जाने कथालाई दर्शकले रुचाएसँगै पाँचौ दिनमै करोडको क्लबमा सामेल भएको छ ।
त्यसैगरी, जोन अब्राहमको बाल्टा हाउसले पनि बक्स अफिसमा राम्रै प्रर्दशन गरिरहेको छ । यो फिल्मले बिहिबार १५ करोड ५५ लाख, शुक्रबार ८ करोड ८४ लाख, शनिबार १० करोड ९० लाख, आइतबार १२ करोड ७० लाख, सोमबार ५ करोड ५ लाख र मंगलबार ४ करोड ७८ लाख कलेक्सन गरेको छ । फिल्मले बक्स अफिसमा ५७ करोड ८२ लाख जम्मा गरिसकेको छ ।
