सञ्जय दत्तको ‘मुन्ना भाई ३’ बन्ने
एजेन्सी – सञ्जय दत्तको करियरमा टर्निङ्ग प्वाइन्ट साबित भएको फिल्म ‘मुन्ना भाई’को तेस्रो सीरिज बन्ने भएको छ । ‘मुन्ना भाइ एमबीबीएस’ र ‘लगे रहो मुन्ना भाइ’ को सफलताको लामो समयपछि तेस्रो फ्रेन्चाइज बन्ने पक्का भएको हो ।
‘मुन्ना भाई’का निर्माता विधु विनोद चोपडाले ‘मुन्ना भाइ ३’मा काम भइरहेको जानकारी दिदै भने, ‘मुन्ना भाइ ३ मा सञ्जय दत्त मुख्य भुमिका निभाउदैछन् । हामी बाँकी कास्ट छिट्टै छनोट गर्छौ । हामीले फिल्मको लागि कन्सेप्ट छनोट गरिसकेका छौं । त्यसमा अझैं काम बाँकी छ । यो फिल्मको काम १० फेब्रअरी देखि सुरु गर्दैछौं । तर यो फिल्म कति समयमा बन्छ भन्न सक्दैनौं ।’
२००३ सालमा रिलिज भएको फिल्म ‘मुन्ना भाई एमबीबीएस’मा सञ्जय दत्तले आफ्नो बाबु सुनिल दत्तसँग काम गरेका थिए । त्यस्तै सञ्जय ‘लगे रहो मुन्ना भाई’मा गान्धीगिरी गरेका थिए । यसको तेस्रो सीरिजमा मुन्नाभाई अर्थात सञ्जय दत्त र सर्किट अर्थात अरशद वारसीको सुपरहिट जोडी देख्न सकिन्छ या सकिदैन भन्ने बारे निर्माण टिमले केहि बताएका छैनन् ।
