अजयले राजामौलीको ‘आरआरआर’मा पारिश्रमिक लिएनन्
एजेन्सी – ‘बाहुबली’का निर्देशक एसएस राजामौली नयाँ फिल्म ‘आरआरआर’को तयारीमा छन् । हाल फिल्मको छायांकन भइरहेको छ ।
यो फिल्ममा बलिउड अभिनेता अजय देवगन अतिथि भुमिकामा देखिदैछन् । फिल्ममा रामचरण तेजा र एनटीआर जूनियरको मुख्य भुमिका रहेको छ । यो फिल्म अजयलाई अफर भएसँगै रामचरण र एनटीआर जूनियरको जति नै पारिश्रमिक लिने खबर बाहिरिएको थियो । तर अजयले पारिश्रमिकको अफरलाई अस्विकार गरेका छन् ।
राजामौली अजयलाई भने जनि पारिश्रमिक दिन तयार थिए । अजयले साथीको फिल्ममा पारिश्रमिक नलिने भन्दै अस्विकार गरेका हुन् । राजामौलीको फिल्म ‘मख्खी’ रिलिज भएपछि उनीहरुको भेट भएको थियो ।
