‘मलंग’ बन्यो आदित्य राय कपूरको सर्वाधिक ओपनर फिल्म
एजेन्सी –बलिउड अभिनेता आदित्य राय कपूर र दिशा पाटनी स्टारर फिल्म ‘मलंग’ गत शुक्रबार देखि प्रर्दशन भइरहेको छ । फिल्मले दर्शकको राम्रो साथ पाउनुको साथै बक्स अफिसमा सुखद सुरुवात गरेको छ ।
ट्रेन्ड एनालिस्ट तरण आदर्शको अनुसार फिल्मले ६ करोड ७१ लाखको ओपनिङ गरेको छ । फिल्मको व्यापारमा दोस्रो दिन अझै सुधार आएको छ । यो फिल्मले दोस्रो दिन ८ करोड ८९ लाख कलेक्सन गरेको छ । तरण आदर्शले आज राती ६ बजेसम्म सबै शो बुक भएको जानकारी दिएका छन् । फिल्ममा भरपूर एक्सन, मसला, ट्विस्ट, बोल्डनेस र रोमान्स छ ।
यो फिल्म आदित्य राय कपूरको फिल्मी करियरमै सर्वाधिक ओपनर फिल्म बनेको छ । दोस्रो नम्बरमा रहेको ‘आशिकी २’ले ६ करोड २५ लाखको ओपनिङ गरेको थियो ।
मोहित सुरीले निर्देशन गरेको फिल्ममा आदित्य र दिशासँगै अनिल कपूर र कुनाल खेमूको मुख्य भुमिका रहेको छ ।
