‘कभी ईद कभी दिवाली’मा सलमान र पूजाको जोडी
एजेन्सी – बलिउड सुपरस्टार सलमान खानले सन् २०२० को इदमा फिल्म ‘कभी ईद कभी दिवाली’ रिलिज गर्ने घोषणा गरिसकेका छन् । हालै यो फिल्ममा नायिका पूजा हेगडेको इन्ट्री भएको छ । निर्माण टिम र पूजाबीच औपचारिक सम्झौता भइसकेको छ ।
पूजाले यसअघि फिल्म ‘हाउसफुल ४’मा अक्षय कुमारसँग काम गरेकी थिइन् । यो फिल्मका निर्माता पनि साजिद नै हुन् । उनैले पूजालाई सलमानसँग जोडी बाध्ने अवसर दिएका हुन् । फिल्मका निर्माता साजिद नाडियावालाले नायिका कन्फर्म भएको बारे खुलाउदै भने, ‘पूजासँग फिल्म हाउसफुल ४ मा काम गरेपछि मलाई लाग्छ यो भुमिकामा उनी फिट हुन्छिन् । यो फिल्मको कहानीमा निकै नयाँपन रहेको छ । यो फिल्म पारिवारीक ड्रामा फिल्म हो ।’ यो फिल्मलाई फरहाद सामजीले निर्देशन गर्नेछन् ।
पूजा पनि सलमानसँग काम गर्नको लागि निकै उत्साहित छिन् । पूजाले भनिन्, ‘म आफैँ सलमानको फ्यान हुँ । अहिले उनीसँगै काम गर्ने अवसर पाएको छु । फिल्मलाई लिएर म निकै उत्साहित छु ।’ पूजाले फिल्ममा सोझी युवतीको भुमिका निर्वाह गर्नेछिन् । फिल्ममा सलमानको स्वभाव पूजाको अपोजिट हुनेछ ।
