क्रिकेटर कपिल देवकी पत्नी बन्दा यस्तो देखिइन् दीपिका
क्रिकेटर कपिल देवको बायोपिक फिल्म ‘८३’ बाट दीपिकाको लुक्स सार्वजनिक भएको छ । दीपिका कपिल देवकी पत्नी रोमी भाटियाको भुमिका निभाउदै छिन् । सार्वजनिक तस्बिरमा दीपिका छोटो कपालमा देखिएकी छन् । उनको साथमा रणवीर सिंह पनि देखिएका छन् ।
यो फिल्ममा दीपिकाको कैमियो रोल छ । उनले आफ्नो भुमिका बारे खुलाउदै भनिन्, ‘भारतीय खेलकुदको इतिहासमा सबैभन्दा प्रतिष्ठित क्षणमध्येको महत्पूर्ण भूमिका मैले निर्वाह गरेकी छु । छोटो भएपनि महत्वपूर्ण भूमिका निभाउन पाउदा सम्मानित महसुस गरेकी छु । एक पतिको पेशा र व्यक्तिगत जीवनमा पत्नीको कति महत्वपूर्ण भुमिका हुन्छ भनेर मैले मेरी आमालाई नजिकबाट देखेको छु । मलाई लाग्छ, ८३ हरेक महिलामा समर्पित छ जसले पतिको सपनालाई आफ्नो सपना भन्दा अगाडी राखेका छन् ।’
कविर खानले निर्देशन गरेको फिल्ममा रणवीर सिंह र दीपिका पादुकोणसँगै ताहिर राज भसीन, साकिब सलीम, जतिन सरना, चिराग पाटिल, हार्डी संधू, एमी विर्क, बोमन ईरानी र पंकज त्रिपाठी लगायत कलाकारको अभिनय रहेको छ । यो फिल्म २०२० अप्रिल १० मा हिन्दी, तमिल र तेलेगु भाषामा रिलिज हुँदैछ ।
