‘सेन्टी भाइरस’को १ दिनमै १ करोड माथिको कलेक्सन (भिडियो सहित)
फिल्म ‘सेन्टी भाइरस’ले प्रदर्शनको पहिलो दिन राम्रो कलेक्सन गरेको छ । धुर्मुस सुन्तलीले निर्माण गरेको यो फिल्मलाई प्रदर्शनको पहिलो दिनमै एक करोड १२ लाख रुपैयाँ ग्रस कलेक्सन प्राप्त भएको निर्माण टिमले रिपार्ट सार्वजनिक गरेको छ । शनिबारको हल रिपोर्ट हेर्नुस् :
रामबाबु गुरुङ निर्देशित फिल्म सेन्टी भाइरसले राजधानीका हलरुबाट ५९ लाख र मोफसलबाट ५३ लाख रुपैयाँको व्यापार गरेको निर्माण समुहको भनाई छ । सेन्टी भाइरस हेर्न शनिबार हलहरुमा दर्शकको संख्या उल्लेख्य देखिएको छ । फिल्ममा सिताराम कट्टेद, कुञ्जना घिमिरे, दयाहाङ राई, विल्सन विक्रम राई र बुद्धि तामाङको अभिनय छ ।
