तापसीको ‘थप्पड’लाई समीक्षकले भने ‘पावरफुल’
तापसी पुन अभिनित फिल्म ‘थप्पड’ आज शुक्रबार देखि प्रर्दशनमा आएको छ । यो फिल्मलाई दर्शक र समीक्षकले उत्कृष्ट प्रतिक्रिया दिएका छन् ।
यो फिल्मलाई दर्शकका साथै समीक्षकहरुले पावरफूल फिल्मको ट्याग दिएका छन् । तरण आदर्शले फिल्मलाई पावरफुलको ट्याग दिदै लेखेका छन्, ‘अनुभव सिन्हाले कडा बयान गरेका छन् । साच्चै थप्पडले अप्ठारो प्रश्न सोधेको छ । हेर्नै पर्ने फिल्म ।’ उनले पाँच स्टारमा चार स्टार दिएका छन् । यो फिल्ममा घरेलू हिंसाको कहानी देखिइएको छ । जसको सुरुवात एक थप्पडबाट हुन्छ ।
यो फिल्मबाट निर्देशक अनुभव सिन्हाले पनि निकै तारिफ बटुलेका छन् । साथै कलाकारको कामलाई उत्कृत्ट प्रतिक्रिया दिइएको छ । फिल्ममा दिया मिर्जाको अतिथि भुमिका रहेको छ । फिल्ममा उनको उपस्थितलाई उचित मानिएको छ । तापसीको पतिको भुमिका निभाएका पावेल गुलाटीको कामको पनि तारिफ भएको छ ।
