तापसीको ‘थप्पड’को व्यापारमा दोस्रो दिन सुधार
एजेन्सी – बलिउड अभिनेत्री तापसी पुन्न स्टारर फिल्म ‘थप्पड’ले बक्सअफिसमा सामान्य सुरुवात गरेको छ । दर्शक र समीक्षकको राम्रो प्रतिक्रिया पाएको फिल्मले सोच जस्तो व्यापार गर्न सकेको छैन् ।
पहिलो दिन शुक्रबार ३ करोड ७ लाख व्यापार गरेको फिल्मले दोस्रो दिन ५ करोड ५ लाख कलेक्सन गरेको छ । यो फिल्मले दुई दिनमा ८ करोड १२ लाखको व्यापार गरेको तरण आदर्शले ट्वीट मार्फत जानकारी दिएका छन् ।
अनुभव सिन्हाले निर्देशन गरेको फिल्ममा तापसीसँगै पवेल गुलाटी, तन्वी आजमी, दिया मिर्जा, कुमुद मिश्रा, राम कपूर लगायतका कलाकारको अभियन रहेको छ ।
