कार्तिक आर्यन किन परे कैटरिना कैफको पाउ ?
बलिउडका अहिलेका चल्तीका नायक सिनियर नायिका कैटरिना कैफको पाउ पारेका छन् । कार्तिकले कैटरिनाको पाउ छोएको भिडियो यतिबेला भाइरल भैरहेको छ । आखिर किन छोए त चकलेटी नायक कार्तिकले कैटरिनाको पाउ ?
आइफा अवार्डको प्रेसमिटमा कार्तिक ढिला पुगेका थिए । कार्तिक पुग्दा कैटरिना स्टेजमा उक्लिसकेकी थिइन् । पुग्नासाथ कार्तिकलाई स्टेजमा बोलाइएको थियो । स्टेज उक्लिने बित्तिकै कार्तिकले सरी माग्दै कैटरिनाको पाउ छोएका थिए । कार्तिकले ढिला भएकोमा क्षमा माग्दै उठबस समेत गरेका थिए । यो दृश्य थुप्रै क्यामेरामा कैद भइरहेको थियो, जुन युटुवमा अपलोड भएपछि भाइरल भैदियो ।
कार्तिक अभिनित फिल्म पछिल्लो लभ आजकाल व्यापारिक रुपमा सफल हुन सकेन । यद्पी उनीसँग बिग ब्यानरमा फिल्महरु हातमा छन् । कैटरिना अभिनित फिल्म सुर्यवंशीको भर्खरै प्रोमो सार्वजनिक भएको छ । कार्तिक कैटरिनाको पाउ पर्दा बलिउडमा मसला बनिरहेको छ ।
