‘बागी ३’ मा टाइगरको एक्सनको तारिफ

टाइगर श्राफ र श्रद्धा कपूर स्टारर फिल्म ‘बागी ३’ आज शुक्रबारबाट प्रर्दशनीमा आएको छ । यो फिल्मले सामाजिक सञ्जालमा दर्शकको तारिफ बटुलिरहेको छ ।

दर्शकले टाइगरको एक्सन सीन्स र टाइगरको परर्फमेन्सको तारिफ गरेका छन् । साथै दर्शकले बेस्ट एक्सन फिल्म बताएका छन् । दर्शकले फिल्मको तारिफ गरिरहँदा टाइगरकी आमा आयशाले पनि शानदार फिल्म बनेको बताएकी छिन् । उनले इन्स्टाग्राममा लेखेकी छिन्, ‘मेरो बागीलाई भगवानले भलो गरुन । तिमीले मलाई कति गर्व महसुस गराएको छौं भन्ने कुनै शब्द छैन । ‘बागी ३’को शानदार कास्टले फिल्मलाई शानदार बनाएको छ । टाइगेरियन र एक्सनको फ्यान जानुस् फिल्म हेर्नुस् । हिन्दी फिल्ममा तपाईहरुले यस्तो एक्सन देखेको छैन होला । सबैले शानदार फिल्म दिनको लागि निकै मिहेनत गरेका छन् ।’

भारतिय ट्रेड एनालिस्ट तरण आदर्शको अनुसार, यो फिल्म भारतमा ४४०० स्क्रीन्स र भारत बाहिर ११०० स्क्रीन्समा रिलिज भएको छ । जम्मा ५५०० स्क्रीनमा रिलिज भएको फिल्मले पहिलो दिन २५ करोड माथी व्यापार गर्ने अनुमान रहेको छ । बागी २ ले २५ करोड १० लाखमा ओपनिङ गरेको थियो । यो फिल्मको लागि पनि हल राम्रोसँग बुकिङ भएको हुँदा राम्रै व्यापार गर्न बताएका छन् ।

अहमद खानले निर्देशन गरेको फिल्ममा टाइगर र श्रद्धासँगै रितेश देशमुख र अंकिता लोखन्डेको पनि मुख्य भुमिका रहेको छ । साथै फिल्ममा दिशा पाटनीको कैमियो भुमिका रहेको छ ।