‘बधाई हो २’मा राजकुमार रावले गरे आयुष्मानलाई रिप्लेस
एजेन्सी – बलिउड अभिनेता आयुष्मान खुराना वस्तुगत फिल्म बनाउन माहिर अभिनेताको रुपमा चिनिन्छन् । आयुष्मानको ‘बधाई हो’ले पनि सामाजिक सन्देश दिएको थियो । अब, यो फिल्मको सिक्वेल बन्दैछ । तर फिल्ममा आयुष्मान खुराना हुँदैनन् ।
आयुष्मानको ठाउँमा राजकुमार राव मुख्य भुमिकामा देखिदैछन् । यो फिल्मबाट आयुष्मानलाई किन हटाइयो भन्ने प्रश्न धेरैको मनमा उठेको छ । जंगली पिक्चर्ससँग ‘बधाई हो’को सिक्वेलको लागि दुई वर्ष अगाडी नै आइडिया थियो । यो फिल्मको सिक्वेलको कहानी विल्कुलै फरक रहेको छ । त्यसैले फिल्ममा क्यारेक्टर पनि फरक राखिएको हो ।
‘बधाई हो २’ मा राजकुमार राव र भूमि पेडनेकरको मुख्य भुमिका रहने छ । राजकुमार र भुमिले पहिलो पटक स्क्रिन सेयर गर्न लागेका हुन् । यो फिल्ममा राजकुमार राव पुलिस कपको भुमिकामा देखिदैछन् भने भुमि पीटि शिक्षिकाको भुमिकामा देखिदैछिन् ।
