‘सुर्यवंशी’ र ‘८३’ को प्रर्दशन मिति अन्यौलमा
एजेन्सी – विश्वमा फैलिएकोे कोरोना भाइसरको प्रभाव भारतमा पनि देखिएको छ । यो वर्षकै महँगो बजेटको मानिएको अक्षय कुमार र कैटरिना कैफ स्टारर फिल्म ‘सूर्यवंशी’ र कबिर खान निर्देशित फिल्म ‘८३’ को प्रर्दशन मिति अनिश्चित कालका लागि रोकिने बताइएको छ । ‘सुर्यवंशी’ २४ मार्चमा रिलिज हुन लागेको थियो भने ‘८३’ अप्रिल १० मा रिलिज हुन लागेको थियो ।
सूर्यवंशीका निर्देशक रोहित शेट्टीले फिल्मको प्रदर्शन मिति सार्ने बताएका छन् । उनले भने, ‘कोरोनाको प्रभाव र त्रास भारतमा पनि फैलिएको छ । यस्तो अवस्थामा हामी फिल्म सूर्यवंशीलाई अब कुन मितिमा रिलिज गर्ने भनेर एक–दुई दिनमै निर्णय गर्दैछौं ।’
कबीर खानको ८३ रिलिज भन्दा अगाडी विशेष कार्यक्रम गर्दै ट्रेलर लन्च गर्ने योजना थियो । अब, यो कार्यक्रम रद्ध भएको छ । यो कार्यक्रम ११ मार्चमा हुने भनिएको थियो । कोरोना भाइरसको कारण धेरै मान्छे भेला नहुन सल्लाह दिइएको छ । त्यसैले निर्माण टिमले ट्रेलर लन्च कार्यक्रम रद्ध गर्ने निर्णय गरेका हुन् । दुवै फिल्मले रिलिज डेट परिवर्तन गर्ने बताएपनि निर्णय भएको छैन ।
दुवै फिल्मका निर्मातालाई कम्पनी रिलायन्स इन्टरटेनमेन्टको सीईओ शिबाशी सरकारले भने, ‘यस विषयमा हरेक दिन कुरा हुन्छ । तर अहिले सम्म कुनै निर्णय भएको छैन । पहिला सूर्यवंशीको रिलिज हुँदैछ । त्यसैले पहिला सूर्यवंशीको बारेमा सोच्नुपर्छ । त्यसपछि ८३ को बारेमा सोचौंला । तर हामी दुवै फिल्मको रिलिज डेट परिवर्तन गर्नु पर्यो भने पनि हामी धेरै चिन्तित हुँदैनौं । अहिलेको स्थिति कन्ट्रोलमा छैन । तर हामी आशा गछौं रिलिज डेट परिवर्तन गर्न नपरोस् ।’
