भारतमा ‘कोरोना प्यार है’ फिल्म बन्ने
विश्वभर कोरोना भाइरस फैलिएको छ । कोरोना भाइरसको त्रासले फिल्म हल समेत बन्द भइरहेको छ । तर भारतमा कोरोनाको विषयमा फिल्म बनाउने तयारी भएको छ ।
भारतमा ‘कोरोना प्यार है’ नामक फिल्म रजिस्टर भएको छ । तर हालसम्म फिल्मको कहानी र कास्टको निर्णय भएको छैन । भारतिय मिडिया अनुसार ‘बाजिराव मस्तानी’, ‘तनु वेड्स मनु रिटन्र्स’, ‘बदलापुर’ फिल्म निर्माण गरेको कम्पनीले यो फिल्म बनाउन लागेको हो । अब इरोज इन्टरनेसनले कोरोना प्यार है नामको फिल्म बनाउन लागेको हो ।
यो खबरको पुष्टि निर्माता क्रिशिका लुल्लाले गरेकी छिन् । उनले भनिन्, ‘अहिले फिल्मको स्क्रिप्टमा काम भइरहेको छ । यो फिल्मको कहानी लभ स्टोरीमा आधारित छ । कोरोना भाइसरको असर कम भएपछि यो फिल्मको काम सुरु गर्नेछौं ।’
