कोरोनाको त्रासले आइसोलेसनमा अमिताभदेखि आलियासम्म

भारतमा कोरोना भाइरसको कहर लगातार बढदैछ । कोरोना भाइरसको त्रासका कारण बलिउड कलाकारले आफुलाई बचाउन सेल्फ आइसोलसनमा बसेका छन् । यसमा अमिताभ बच्चन देखि लिएर थुप्रै कलाकार सामेल भएका छन् ।

अमिताभ बच्चन
अमिताभ बच्चनले टुविटर मार्फत सेल्फ आइसोलसनमा रहेको जानकारी दिएका छन् । उनले हातमा स्टाम्प लगाएको तस्बिर सार्वजनिक गरेका थिए । आमिताभ केहि दिनको सेल्फ आइसोलेसनमा रहने छन् । उनी ‘ब्रह्मास्त्र’को सुटिङ गरिरहेका थिए । अहिले फिल्मको छायांकन बन्द भएको छ ।

आलिया भट्ट
बलिउड अभिनेत्री आलिया भट्ट कोरोना भाइरसबाट बच्न घरमै बसेकी छिन् । उनले इन्स्टाग्राममा एक तस्बिर शेयर गर्दै सेल्फ आइसोलसनमा बसेका जानकारी दिएकी छन् । कोरोना भाइरसको प्रभावले उनको फिल्म ‘ब्रह्मास्त्र’को छायांकन रोकिएको छ ।

सोनम कपूर
बलिउड अभिनेत्री सोनम कपुर आइसोलेसनमा बसेकी छिन् । बेलायतबाट फर्किएलगत्तै उनी आइसोलसनमा बस्ने निर्णय गरेकी हुन् । उनको घरमा हजुरआमा, हजुरबुबा भएको कारण अरुलाई खत्तरा नहोस् भनेर आइसोलसनमा बसेकी हुन् ।

अर्जुन कपूर
अर्जून कपूर लामो समय देखि कोरोना भाइसरलाई ध्यानमा राखिरहेका थिए । केहि समय अगाडी उनी एयरपोर्टमा मास्क लगाएर पुगेका थिए । अब उनी सेल्फ आइसोलसनमा बसेका छन् । उनको फिल्म ‘सन्दीप पिंकी फरार’को रिलिज डेट रोकिएको छ ।

दिलिप कुमार
दिलिप कुमार लामो समय देखि बिरामी भइरहेका थिए । उनको धेरै उमेर भएको कारण पनि उनले कोरोना भाइरसबाट बच्न सेल्फ आइसोलसनमा बस्ने निर्णय लिएका हुन् ।