सानिया मिर्जाको बायोपिकमा परिणीति नहुने

एजेन्सी – टेनिस प्लेयर सानिया मिर्जा आफ्नो बायोपिकलाई लिएर चर्चामा छिन् । केहि समय अगाडी एक अन्तवार्तामा सानियाले आफ्नो बायोपिक बन्ने खुलाएकी थिइन् । साथै उनले आफ्नो बायोपिक राइट्स बेचेको समेत बताएकी थिइन् ।

हालै सानियाले एक भारतिय मिडियासँगको कुराकानीमा आफ्नो बायोपिकमा परिणीति चोपडा नहुने बताएकी छिन् । उनले भनिन्, ‘सायद मेरो बायोपिकमा परिणीति हुन्न होला । किनकी उनी सानिया नेहवालको बायोपिक गर्दैछिन् । बलिउडमा दीपिका पादुकोण, आलिया भट्ट, अनुष्का शर्मा, सारा अली खान जस्ता शानदार नायिकाहरु छन् । मेरो बायोपिक कसले गर्ने भन्ने स्क्रिप्टमा निर्भर हुन्छ । मलाई आशा छ मेरो बायोपिकलाई न्याय गर्नु हुन्छ ।’ परिणीति र सानिया मिर्जा बेस्टफ्रेन्ड हुन् ।

परिणीति ब्याडमिन्टन प्लेयर सानिया नेहवालको बायोपिक गर्दैछिन् । यो फिल्मबाट परिणीतिको पोस्टर समेत सार्वजनिक भइसकेको छ ।