जाह्नवी स्टारर ‘गुञ्जन सक्सेना’को दमदार ट्रेलर
बलिउड नायिका जाह्नवी कपूरको दोस्रो फिल्म ‘गुञ्जन सक्सेना: द करगिल गर्ल’को ट्रेलर सार्वजनिक भएको छ । ट्रेलरमा जाह्नवी कपूरको अभिनय जबरजस्त देखिएको छ । उनी यस फिल्मलाई लिएर निकै उत्साहित छिन् । ट्रेलर हेर्नुस् :
उनले भारतीय वायुसेनाको फ्लाइंग अफिसरको भूमिका राम्रोसँग निभाएकी छिन् । ट्रेलरमा करगिल युद्धको पनि केही झलक देखाइएको छ । गुञ्जन सक्सेना वायुसेनामा आएपछि हुने ठू–ठूला परिवर्तनलाई ट्रेलरमा आकर्षक तरिकाले प्रस्तुत गरिएको छ । महिलालाई कसरी कमजोर देखाउन खोजिन्छ भन्ने कुरा फिल्ममा देखाईएको छ । यो फिल्म १२ अगस्टमा नेटफ्लिक्समा रिलिज हुँदैछ ।
शरण शर्माले निर्देशन गरेको फिल्ममा जाह्नवीसँगै पंकज त्रिपाठी, अंगद बेदी, विनित कुमार सिंह, मानव विज लगायत कलाकारको अभिनय छ । यो फिल्म इन्डियन एयरफोर्स पाइलट गुञ्जन सक्सेनाको बायोपिक हो ।
