कोरोना जितेर घर फर्किए अमिताभ बच्चन
एजेन्सी– बलिउड अभिनेता अमिताभ बच्चन कोरोनालाई जितेर घर फर्किएका छन् । २३ दिनदेखि मुम्बईको नानावती अस्पतालमा उपचार गराइरहेका ७७ वर्षिय बच्चन आइतबार डिस्चार्ज भएका हुन् ।
उनले सामाजिक सञ्जाल मार्फत धन्यावाद दिर्दै लेखेका छन्, ‘मैले कोभिड–१९ परिक्षण गरेर अस्पतालबाट डिस्चार्ज भए । म एक्लै होम क्वारेन्टाइनमा छु । सर्वशक्तिमान परमेश्वरको आशिर्वाद, नजिकका प्रिय मित्रहरुको प्रार्थना र नानावती अस्पतालको राम्रो हेरचाहले मलाई यो दिन देख्न सम्भव बनायो ।’
अभिताभका छोरा अभिषेक, बुहारी ऐश्वर्या र नातिनी आराध्यालाई पनि कोभिड–१९ पोजिटिभ देखिएको थियो । ऐश्वर्या र आराध्या निको भएर यसअघि नै घर फर्किसकेका छन् भने अभिषेक अस्पतालमै छन् ।
