आलियाको ‘सडक २’को गीतमा पनि डिसलाइक ज्यादा
सुशान्त सिंह राजपूतको निधनपछि बलिउडमा नेपोटिज्मको विरोध भइरहेको छ । केहि दिन अगाडी आलिया भट्टको फिल्म ‘सडक २’ को ट्रेलर सार्वजनिक भएको थियो । तर, यो फिल्मको ट्रेलरमा १ करोड भन्दा बढि डिसलाइक आएको छ । यसैबीच फिल्मको ‘तुम से ही’ बोलको पहिलो गीत सार्वजनिक गरिएको छ । गीत हेर्नुस् :
अंकित तिवारी र लीनाबोसको स्वर रहेको रोमान्टिक गीतमा आलिया भट्ट र आदित्य रोय कपूर फिचर्ड छन् । गीत सार्वजनिक भएको केहि समयमै डिसलाइक आउन सुरु भइसकेको छ । यो गीतमा ९८ हजार लाइक आएको छ भने ३ लाख ७५ हजार डिसलाइक आएको छ । शब्बीर अहमदको शब्द रहेको गीतमा अंकित तिवारीको संगीत रहेको छ ।
महेश भट्टले निर्देशन गरेको फिल्ममा आलिया र आदित्यसँगै पूजा भट्ट र सञ्जय दत्तको अभिनय रहेको छ । यो फिल्म २८ अगस्तमा डिजी प्लस हटस्टार मार्फत रिलिज हुँदैछ ।
