‘आदिपुरुष’ बन्दै प्रभास
एजेन्सी– बलिउड अभिनेता प्रभासको नयाँ फिल्म ‘आदिपुरुष’को घोषणा गरिएको छ । यो फिल्मलाई ओम राउतले निर्देशन गर्नेछन् । उनले यो भन्दा अगाडी अजय देवगनको ‘तानाजी’ निर्देशन गरेका थिए ।
प्रभासले इन्स्टाग्राम मार्फत उक्त फिल्मको पहिलो पोस्टर सार्वजनिक गरेका छन् । उनले पोस्टर सार्वजनिक गर्दै क्याप्सनमा लेखेका छन् ‘खराबीमाथि राम्रोको जीतको उत्सव मनाउँदै ।’ यो फिल्ममा प्रभास आदिपुरुषको भुमिका निभाउदैछन् । उनले एक भिडियो सेयर गर्दै नयाँ प्रोजेक्टको घोषणा गरेका हुन् ।
यो फिल्म एक्सन ड्रामा थ्रिडीमा निर्माण हुनेछ । यो फिल्म सन् २०२२ मा प्रर्दशन गर्ने बताइएको छ । प्रभासको दीपिका पादुकोणसँग एक फिल्म आउँदैछ । नाग अश्विनले निर्देशन गर्ने फिल्मको नाम तोकिएको छैन ।
