‘मायाज बार’ पछि ‘पोखरेली काली’ मा निशा र गजितको भेट
फिल्म यामाज बारमा अभिनय गरेको पाँच बर्षपछि निशा अधिकारी र नायक गजित बिष्ट फिल्म पोखराकी कालीमा एकसाथ प्रस्तुत भएका छन् । विमल पौडेलले निर्देशित यस फिल्मको हाल चितवनमा छायाँकन भैरहेको छ ।
पूर्ण हाँस्य प्रधान यस फिल्म पोखराकी कालीमा निशा र गजितसँगै सरोज खनाल, लय संग्रौला, सुवास गजुरेल, सुरबीर पण्डित, मनोज श्रेष्ठ, बिरेन डिसी,पुष्प आचार्य, गणेश गिरि, सुसान्त श्रेष्ठ, प्रतिमा अधिकारी, प्रेम श्रेष्ठ लगायत कलाकारहरुको अभिनय रहेको छ । रेड हाउसको ब्यानरमा निर्माण गरिएको फिल्मलाई डास्पिनाकी विश्वास (अमित) ले निर्माण गरेका हुन् । फिल्ममा संचारकर्मी रवि अधिकारी कस्टिङ डिरेक्टरको रुपमा रहेका छन् । विपिन आचार्यको संगीत, कमल राईको नृत्य, लक्ष्मण घिमिरेको छायांकन रहको फिल्ममा रबि बराइली र प्रकाश कर्माचार्यको द्वन्द्व निर्देशन रहेको छ ।
