अर्जुन कपूर र मलाइकालाई कोरोना संक्रमण
एजेन्सी– बलिउड नायक अर्जुन कपूरलाई कोरोना संक्रमण देखिएको छ । अर्जुनले आइतबार आफुलाई कोरोना लागेको पुष्टी गरेको थिए । हालै मलाइका अरोडामा पनि कोरोना संक्रमित भएको खबर बाहिरिएको छ ।
अर्जुनले इन्स्टाग्राम मार्फत आफुलाई कोरोना संक्रमण भएको जानकारी दिदै लेखेका छन्, ‘मेरो कोरोना टेस्ट पोजेटिभ आएको छ । तपाईहरुलाई यो जानकारी दिनु मेरो जिम्मेदारी हो । म अहिले ठीक छु । मेरो शरीरमा कोरोनाको लक्षण देखिएको छैन । मैले डाक्टर र प्रशासनको सल्लाहमा आफुलाई आइसोलेट गरेको छु र म होम क्वारेन्टाइनमा रहेको छु । म आफ्नो स्वास्थ्यको जानकारी दिदै गर्छु ।’
भारतिय मिडियाको अनुसार, मलाइकालाई कोरोनाको लक्षण नदेखिएपनि उनको रिपोर्ट पोजेटिभ आएको छ । उनले होम क्वारेन्टाइनमा बसेकी छन् । उनी डान्स रियालिटी शो ‘इन्डियाज् बेस्ट डान्सर’को जज गर्दै थिइन् । मलाइकालाई कोरोना देखिएपछि बुधबारसम्म शोको सुटिङ रोकिएको छ ।
अर्जुन र मलाइका केहि वर्षदेखि प्रेम सम्बन्धमा छन् ।
