सारा र श्रद्धाको बयान- ‘सुशान्तले ड्रग्स लिन्थे’
एजेन्सी– ड्रग्स केसमा दीपिका पादुकोण, सारा अली खान र श्रद्धा कपूरसँग नारकोटिक्स कन्ट्रोल ब्यूरो (एनसीबी)ले शनिबार सोधपुछ गरेको छ । यसै क्रममा सारा र श्रद्धाले सुशान्त सिंह राजपूतले ड्रग्स सेवन गरेको बयान दिएका छन् ।
श्रद्धाले फिल्म छायांकनको क्रममा सुशान्तले आफ्नो भ्यानेटी भ्यानमा ड्रग्स सेवन गरेको बयान दिएकी छन् । श्रद्धा र सुशान्तले फिल्म ‘छिछोरे’मा काम गरेका थिए । त्यसो त ‘छिछोरे’को सफलता पार्टीमा ड्रग्सको प्रयोग भएको बताइएको छ । तर, श्रद्धाले उक्त पार्टीमा आफुले अल्कोहल मात्र पिएको बताएकी छन् ।
साराले शनिबार एनसीबीको सोधपुछमा ड्रग्स लिने कुरा अस्विकार गरेकी छन् । उनले सुशान्तले ड्रग्स लिने गरेको बयान दिएकी छन् । सारा र सुशान्तले ‘केदारनाथ’मा काम गरेका थिए । त्यसबेला सुशान्त र सारा प्रेममा रहेको समेत चर्चा थियो ।
